Abegondo acolle un intercambio de estudantes da localidade alemá de Goslar
07 abr 2024 . Actualizado ás 05:00 h.É un intercambio escolar moi especial por varias razóns. É o primeiro Erasmus+ que leva a cabo o IES de Viós, Abegondo, pero non será o último porque o ano que vén pensan repetir. E tamén é singular porque só participan 14 alumnos, 7 de aquí e 7 de alá, da localidade da Baixa Sajonia Goslar. Estudantes de secundaria que iniciaron a experiencia en febreiro cando os abegondeses viaxaron a Alemaña e que agora se completa coa devolución de visita. O alcalde, José Antonio Santiso Miramontes, recibiu aos estudantes e profesores. Ao longo dos próximos días, as alumnas xermanas realizarán unha inmersión completa no municipio. Tanto é así, que vivirán coas familias de Abegondo.