Estará amarrado no peirao de Calvo Sotelo ata este xoves, e ten horario de visitas para o público xeral
17 jun 2025 . Actualizado á 14:48 h.A Unidade de Asalto Anfibio San Giorgio da Armada Italiana fará escala na Coruña amarrada no peirao Calvo Sotelo Sur ata este xoves. Trátase dun buque multipropósito que transporta persoal e medios da Infantería de Marina (Brigata San Marco). Nos últimos meses, participou en diversas manobras nas costas de España, Portugal, Reino Unido e Francia, como parte dun Littoral Expeditionary Group de alta dispoñibilidade.
As actividades multinacionais máis importantes foron a Marphibex, realizada con buques anfibios españois fronte á costa de Rota, a Orion, organizado fronte a Setúbal (Portugal), e Catamaran e Polaris, entre Cornualles e o Golfo de Biscaia, nos que participaron as principais armadas europeas.
Este mércores ás 19.30 horas haberá unha recepción a bordo con autoridades locais e cidadáns da Comunidade Italiana residente. Ademais, o buque estará aberto ao público este martes de 15.00 a 18.00, este mércores de 9.00 a 12.00, e este xoves de 9.00 a 12.00.