O concurso da tortilla da Sagrada Familia, na Coruña, reparte un trofeo, 780 ovos e 150 quilos de patacas
A CORUÑA
Paco Botana, Melody Barral e Aría Aira foron os gañadores do certame impulsado pola asociación veciñal
18 may 2025 . Actualizado á 05:00 h.O concurso de tortillas da Sagrada Familia é o máximo. Destaca tanto pola calidade dos pratos que presentan os concursantes como polo suxestivo dos premios. Non sei se é mellor quedar primeiro, segundo ou terceiro. O gañador foi Paco Botana, que levou un trofeo e un vale de 200 euros para gastar no Gadis. Está moi ben. Pero á segundo clasificada, Melody Barral, déronlle un diploma e 780 ovos. E á terceira, Aría Aira, seis sacos de patacas que suman 150 quilos. Ambos os premios foron cortesía do patrocinador, Rodríguez Cabanas S.L. Mentres o xurado cataba, Ana Rodríguez, directiva da asociación, fixo unha tortilla con patacas Bonilla. Foi un xurado de peso, co concelleiro de Deportes, Manuel Vázquez, e outro que o foi no seu día, Eduardo Blanco; o presidente da Federación Galega de Boxeo, Manolo Planas, e Jaime Suárez, presidente dos veciños e comerciantes da Falperra. Ademais, entregaron a Sara Viñuela López, de 9 anos, un diploma que a acredita como gañadora do segundo concurso de debuxo. A súa obra serve de fondo no cartel promocional deste ano.