A familia da homenaxeada esta ano nas Letras Galegas permitiu a reprodución da obra
30 may 2024 . Actualizado á 18:08 h.Sálgaa Cubo do espazo cultural Normal da Universidade da Coruña foi o lugar escollido para a presentación do ensaio editado pola UDC Por que os homes non nos len?, de Luísa Villalta, a autora homenaxeada este ano o Día das Letras Galegas.
O acto foi presidido por María Cristina Naya Riveiro, vicerreitora de Divulgación, Cultura e Deporte da UDC, e contou tamén coa participación de Nieves Pena Sueiro, directora do servizo de publicacións da UDC; María Pilar García Negro, profesora da UDC e autora do a metade da publicación, e María do Carme Fernández Pérez-Sanjulián, docente da área de Filoloxía Galega e Portuguesa.
Cristina Naya agradeceu ás herdeiras de Luísa Villalta conceder o permiso á Universidade da Coruña para a reprodución da obra con motivo da celebración do Día das Letras Galegas.
Nieves Pena, directora do servizo de publicacións, explicou que se trata dun texto breve pero intenso, que «segue plenamente vixente». Fernández Pérez-Sanjulián falou de Villalta como unha escritora «que cultiva todos os xéneros brillantemente, cun carácter filosófico». García Negro resaltou a singularidade dunha escritora «conectada coa mellor tradición clásica galega e cun alimento recíproco entre as facetas musical e literaria».