A Compaña de Tranvías deA Coruña amplía os seus horarios ante o éxito das súas visitas guiadas

A Compaña de Tranvías amplía os horarios das súas visitas guiadas gratuítas e da mostra que alberga a sala de exposicións Salvador de Madariaga polos seus 120 anos de historia ante a boa acollida que suscitou desde a súa inauguración o pasado 28 de decembro. O éxito foi tal que se chegaron a esgotar as reservas en apenas catro horas, superando con fartura a capacidade permitida (máis de 200 prazas). Para facer fronte a esta alta demanda, a compaña disporá todas as fins de semana desde o próximo 20 de xaneiro e ata o 2 de marzo dun total de 420 prazas para poder gozar deste percorrido guiado polo pasado da cidade e coñecer a evolución que viviu o sector do transporte urbano no último século. Ademais, contarase cunha nova quenda de visitas, que dará comezo este mércores, a partir das 11.00 horas. As reservas deberanse solicitar a través da páxina web habilitada.

A actividade, que ten unha duración de 90 minutos e unha capacidade para 30 persoas, inclúe un percorrido de autobús urbano entre Puerta Real e Monelos, rememorando o primeiro servizo de tranvía de mulas. Os encargados de conducir as visitas serán o guía turístico Suso Martínez, que se caracterizará como un viaxeiro do tranvía de 1922, e o xornalista e divulgador cultural Rubén Ventureira.

---

---

---