Manuel Cabado e Emilia Rodríguez, veciños do mesmo barrio, Vos Castros, celebraron onte os seus 100 anos de vida
11 jun 2023 . Actualizado á 05:00 h.Separados por 200 metros. Xa é casualidade. Xusto onte celebraron os seus primeiros 100 anos de vida dous veciños de Vos Castros. Un é Manuel Cabado, que vive na rúa Claudio Sanmartín e é un asiduo lector de La Voz. Onte, o seu neto xornalista dedicáballe unha preciosa columna no xornal. E nun sexto piso da rúa Alberto García Ferreiro reside Emilia Rodríguez Sandá. Estudou enfermería en Santiago e comezou a traballar na Cruz Vermella e nun dispensario de beneficencia en Monelos. Despois traballou no primeiro Juan Canalejo, o que agora é o materno. Se buscan nalgunha aplicación de mapas di que tardas dous minutos en ir de casa da enfermeira Emilia á do ferroviario Manuel. 120 segundos entre dúas persoas que suman 200 anos. Dous séculos a dous minutos.