Detidos dous veciños de Cesuras por un delito de tráfico de drogas e outro de defraudación
A Coruña
Os arrestados okupaban dous domicilios nos que cultivaban marihuana
06 ago 2022 . Actualizado ás 11:44 h.O equipo de Policía Xudicial da Garda Civil de Betanzos, en colaboración coa área de Investigación do posto betanceiro, detivo a dous veciños de Cesuras como presuntos autores dun delito contra a saúde pública e tráfico de drogas, e outro de defraudación de fluído eléctrico.
Os axentes tiveron coñecemento da existencia dun trafego de entrada e saída de persoas dos domicilios okupados polos agora detidos. A Garda Civil iniciou unha operación dirixida polo Xulgado número 2 de Betanzos baixo o nome de Trakira, Col certificado por parte da compaña eléctrica puideron detectar un consumo elevado de electricidade para demostrar que en o interior das vivendas podería haber unha posible plantación.
Nos rexistros levados a cabo, os axentes localizaron nun dos domicilio 17 Kg brutos de cogollos de marihuana, un teléfono móbil, 1500 €, un portátil, un disco ríxido, un xogo de ganzúas eléctricas, lámpadas e efectos para o cultivo da marihuana. Na vivenda do outro detido incautaron 3 bolsas de plantas de marihuana con inflorescencias guindando un peso bruto de 1,340 quilos, así como efectos e obxectos para o cultivo das plantas.
Os investigadores puideron determinar que os dous individuos estaba vinculados entre eles no cultivo da marihuana, identificándose como membros da República Errante Menda Lerenda, expondo que non estaban suxeitos á Lexislación Española. A Garda Civil procedeu á súa detención como presuntos autores dun delito contra a saúde pública, outro de defraudación de fluído eléctrico e á incautación dos efectos atopados.