O León de Belfast suspendeu por enfermidade o recital do venres e tamén o que estaba previsto este mércores en Madrid
29 novs 2021 . Actualizado ás 22:41 h.O agardado regreso de Van Morrison ao Coliseum da Coruña terá que agardar. O cantante sofre unha enfermidade que lle obrigou a aprazar ese concerto, previsto para este venres ás 20.30 horas, e tamén o que ía dar dous días antes no WiZink Center de Madrid.
O Concello da Coruña anunciou que «o seu concerto será reprogramado nos primeiros meses do próximo ano 2022 no Coliseum». As persoas que compraran unha entrada para a actuación do venres poderán acceder ao recinto na nova data sen necesidade de facer trámite algún. Mentres que quen prefira solicitar a devolución do importe da entrada poderá facelo a través da súa canle de compra.