O canteirán é optimista de cara ao desenlace da tempada
02 abr 2025 . Actualizado á 20:12 h.«Estamos tranquilos, estamos convencidos do que facemos». Palabra de canteirán. Esta afirmación realizouna o futbolista do Lugo, Jorge González, que é optimista para esta recta final de tempada, na que os albivermellos xogan amarrar a permanencia.
O canteirán ten clara a folla de ruta e o que toca facer para conseguir o obxectivo. Cita a palabra unión. «Se seguimos así e mantemos esta unión que temos, o final de tempada será positivo para todos», engade González.
A derrota ante o Ourense CF outorga máis transcendencia ao partido do domingo (15.30 horas) no Anxo Carro ante a Ximnástica Segoviana. Sobre o rival, González di: «A Ximnástica Segoviana ten xogadores importante. É un equipo que leva moito tempo xuntos. Son un equipo moi duro, que leva catro partidos seguidos sen perder, entón chegan nun bo estado de forma, pero nós tamén viñamos de tres vitorias consecutivas, polo que imos tranquilos por esta parte».
Seligrat ten moita confianza no canteirán, que agarda poder contar coa continuidade que ata o momento lle han impedido as lesións. González é un futbolista crave para este Lugo.