Falece a directora do colexio de Vimianzo, Ana Cristina García Torralba, aos 57 anos
VIMIANZO
Os seus compañeiros lémbrana como unha muller «cunha forza impresionante, e que, ante as dificultades, sempre podías contar con ela». Era natural de León pero levaba moitos anos fincada na Costa da Morte
02 abr 2025 . Actualizado á 19:04 h.Ana Cristina García Torralba, que durante os últimos 16 anos dirixiu o CEIP San Vicenzo de Vimianzo, faleceu aos 57 anos de idade como consecuencia dunha enfermidade.
Leonesa de nacemento, deu clase en Laxe e Baíñas antes do San Vicenzo, en cuxo equipo directivo integrouse ao pouco tempo de chegar. Era mestra de Música e os seus compañeiros lémbrana como unha muller «cunha forza impresionante, e que, ante as dificultades, podías contar con ela, defendéndonos sempre aos compañeiros», aseguran.
Ana Cristina deixa viúvo, Manuel Quintáns, e tres fillos: Laura, Jorge e Álvaro. Os seus restos son velados no tanatorio San Vicente e este xoves celebrarase un funeral de corpo presente na igrexa parroquial. Despois será incinerada na máis estrita intimidade familiar.