Peregrina da Arxentina a Muxía para honrar á súa muller e falece á entrada do santuario da Barca

Un home, de 83 anos de idade e natural do lugar de Lourido, no Concello de Muxía, e residente na Arxentina desde hai moitos anos, faleceu este venres de infarto de miocardio fulminante. A alerta activouse ao redor das cinco da tarde cando un particular avisou ao Servizo SOS Galicia 112 dun home, inconsciente, tendido no chan da entrada do santuario da Barca, ao que pretendía acceder para, segundo as testemuñas, honrar a memoria da súa esposa, falecida en Arxentina fai uns tres meses.

Ata o lugar desprazáronse axentes da Garda Civil, voluntarios da agrupación de Protección Civil de Muxía, persoal de Urxencias Sanitarias-061 e sanitarios. Tamén foi mobilizado o helicóptero medicalizado con base en Santiago.

Os equipos de emerxencia realizáronlle ao home a respiración cardiopulmonar cun desfibrilador semiautomático, pero finalmente só puideron certificar o óbito.

Audino Louzán Pampín aterrara hai uns días á súa localidade natal de Muxía para asistir a unha misa funeral en honra á súa esposa. E este venres acudiu en peregrinación ao santuario da Barca para rezar por ela, pero sufriu unha grave indisposición que acabou coa súa vida.

---

---

---