Campamentos, obradoiros, deporte, música, oralidade, natureza... de todo iso haberá
28 mar 2025 . Actualizado a las 14:35 h.O Concello de Malpica vén de dar a coñecer a súa programación de Semana Santa, levada a cabo coa colaboración das asociacións locais Carcaxía, O Quinteiro e Mallas de Area. Campamentos para nenos, obradoiros, torneos deportivos, espectáculos musicais e teatrais, actos litúrxicos, andainas... De todo isto haberá, co ánimo de buscar alternativas de ocio saudables e, á vez, fomentar a cultura e participación comunitaria durante as vacacións. Non faltarán os actos litúrxicos. A axenda malpicá estará plena do luns 14 ao domingo 20 de abril, e con propostas para distintas edades, repartidas por distintos espazos: centro cívico, Forno do Forte, Casa da Cultura de Seaia, pavillón municipal ou praza Villar Amigo. Un avance:
- Do luns 14 ao mércores 16 de abril. Campamento para nenos de 3 a 12 anos, de balde.
- Do luns 14 ao xoves 17 de abril. Xornadas de Pascua en Seaia, para nenos de 4 a 12 anos.
- Do martes 15 ao sábado 19 de abril. Obradoiros de barro no Ecomuseo Forno de Forte.
- Martes 15 de abril: torneo de volei.
- Mércores 16 de abril: torneo de fútbol 3x3 e proxección do documental Lévame a idea, un recoñecemento ás creadoras e divulgadoras da música de tradición oral galega.
- Xoves 17 de abril: Festa da Xuventude, con vermú, tardeo e verbena.
- Venres 18 de abril: actos relixiosos e procesión acompañada da banda de gaitas Malante.
- Sábado 19 de abril: segunda andaina O Quinteiro e monólogo de Quico Cadaval.
- Domingo 20 de abril: Fantoches Baj trerá para público familiar a peza O tranvía Leonardo.