O traslado débese a circunstancias meteorolóxicas, segundo explicou a presidenta da comisión, Verónica Bonilla
15 ago 2025 . Actualizado á 15:55 h.Cee goza este venres 15 de agosto non só dunha xornada festiva senón do día central das súas celebracións, as patronais da Xunqueira. A procesión coa imaxe portando o bastón de mando, despois de ser nomeada onte alcaldesa perpetua, foi moi concorrida e emotiva, explicaron desde a Unidade Pastoral. No entanto, do programa deseñado para esta xornada caéronse os fogos artificiais, previstos para medianoite. Circunstancias meteorolóxicas, con vento e néboa, obrigan a trasladalos, explicou a presidenta da comisión de festas, Verónica Bonilla. Tamén se informou diso aos festeiros durante a sesión vermú, mediante a lectura dun comunicado. Serán, probablemente, o venres ou o sábado da próxima semana: a medida que se achegue a data, concretarase. O vento en Cee tamén afectou, de feito, á traca en honra á Xunqueira desta mañá. O lanzamento houbo de facerse a man.