Nove deportistas participan no evento Universal Dance Championships
14 jun 2025 . Actualizado á 05:00 h.Nove deportistas do club Arte e Movemento de Cee participan estes días no evento Universal Dance Championships, unha das citas internacionais máis relevantes na especialidade de bailes caribeños. Celébrase en Bolonia (Italia) e por alí están xa os bailaríns do club ceense, que competirán ata o domingo en distintas categorías.
O martes, nun acto celebrado na Casa do Concello, o club presentou ás máis de cen empresas e ás institucións que colaboran no desenvolvemento da súa actividade. Participaron a edila de Cultura, Luisa Rodríguez; as deportistas Laura Marcote e Alba Mourelle e a directora de Arte e Movemento, Graciela Toba, e representantes de dúas empresas colaboradoras.