O GALP Costa Sostible tamén se suma á arte urbana con murais de cultura mariñeira

La Voz CARBALLO/ LA VOZ

CEE

Na imaxe, de esquerda a dereita: Francisco Calo (alcalde de Outes), María Maneiro (teniente de alcalde de Porto do Son), Pablo Castiñeira (Vella Escola), Mariano Lago (presidente do GALP Costa Sostible), Manuela Oviedo (xerente do GALP Costa Sostible), Margarita Lámela (alcaldesa de Cee), Mª Luisa Rodríguez Riveiro (Concelleira de Cultura de Cee), e Dolores Pena (técnica de empleo de Carnota)
Na imaxe, de esquerda a dereita: Francisco Calo (alcalde de Outes), María Maneiro (teniente de alcalde de Porto do Son), Pablo Castiñeira (Vella Escola), Mariano Lago (presidente do GALP Costa Sostible), Manuela Oviedo (xerente do GALP Costa Sostible), Margarita Lámela (alcaldesa de Cee), Mª Luisa Rodríguez Riveiro (Concelleira de Cultura de Cee), e Dolores Pena (técnica de empleo de Carnota)

Pintaranos adolescentes da zona en cada un dos municipios que cobre o grupo, por exemplo todos os da comarca de Fisterra

29 may 2025 . Actualizado a las 15:15 h.

O Grupo de Acción Local do Sector Pesqueiro (GALP) Costa Sostible deu a coñecer este xoves o proxecto Nove murais participativos da cultura mariñeira, que se desenvolverán en Fisterra, Cee, Corcubión, Dumbría, Carnota, Muros, Outes, Noia e Porto do Son ao longo deste presente ano. O primeiro, en xuño, en Muros. Catro claves da inicaitiva: introducir a visión da xuventude do territorio (pintarán adolescentes da comarca coordinados por Vella Escola, de Noia), visibilizar a cultura mariñeira a través de novas formas, coidado do medio ambiente (empregaranse pinturas ecolóxicas que absorben os contaminantes ambientais) e inclusión social. «Pinturas fotocatalíticas que axudan a  preservar o medioambiente ao absorber os gases do tráfico rodado», precisou Pablo Castiñeira, de Vella Escola. 

Todos os murais irán acompañados dunha placa co nome dos mozos que participen, reforzando así ademais a visibilidade do GALP Seo de Fisterra Ría de Muros-Noia. Mariano Lago, presidente do GALP; Manuela Oviedo, xerente, e Yolanda Gómez, pedagoga e orientadora familia interviron tamén na posta de longo da proposta.