Reclama nove iniciativas e infraestruturas craves para o municipio
06 dic 2023 . Actualizado ás 05:00 h.O BNG de Cee , a través do seu portavoz Serxio Domínguez, presenta unha serie de emendas aos Orzamentos da Xunta para o próximo ano. Os nacionalistas reclaman nove iniciativas e infraestruturas craves para o municipio. Estas son as propostas que se elevarán ante o Parlamento autonómico: melloras viarias e de seguridade na avenida Fisterra (AC-552) e avenida Fernando Blanco (AC-550), melloras dos recursos materiais e dotación de máis persoal no hospital Virxe da Xunqueira, construción dunha base na loita contra a contaminación mariña en Brens , dotar de operatividade ao heliporto de Ruibo, saneamento integral da ría, acceso ao porto de Brens, construción dun novo centro de saúde e un centro de día e elaboración dun plan de prevención de incendios para o Concello de Cee.