Axober ve no novo ciclo de Cociña e Restauración unha grande oportunidade para o sector
CARBALLO MUNICIPIO
A entidade, a través da Asociación de Hostalería de Carballo, divulgará esta FP o vindeiro mércores, no Fórum
13 jun 2025 . Actualizado á 22:35 h.Entre as novidades que terá a Formación Profesional (FP) o próximo curso na Costa da Morte destaca a nova oferta de FP Dual de Cociña e Restauración no instituto Monte Neme de Carballo. Será a primeira vez e despois de «moito esforzo e dedicación», segundo reseña Axober, que acolleu con grande entusiamo a iniciativa: «Responde a unha demanda histórica dos hostaleiros da zona e considérase unha oportunidad invaluable para potenciar o sector». Isto é, para o desenvolvemento profesional e a formación cualificada no ámbito da restauración.
Axober, que agradece ao Concello e IES Monte Neme para a súa implicación, fará o vindeiro mércores 18 de xuño unha presentación detallada do contido do ciclo, e farao a través da Asociación de Hostalería de Carballo. Será ás 17.30 horas, en e Fórum, precisamente o lugar no que levarán a cabo as prácticas desta nova FP, un espazo dotado de cociña equipada para a formación. Poden acudir á cita do mércores tanto empresas do sector que desexen acoller alumnado en prácticas como estudantes interesados en cursar o ciclo.