O mellor vendedor da ONCE de Galicia reparte outros 200.000 euros en Carballo

Antonio Lema, elixido pola ONCE o mellor vendedor de Galicia do pasado ano, repartiu máis sorte desde o seu posto de Carballo , nunha esquina da Praza (antiga rúa Colón) con Desiderio Varela. Vendeu cinco cupóns do número 61392, agraciado cada un deles con 40.000 euros. En total, 200.000 euros.

Antonio Javier Lema Lema leva só cinco anos como vendedor da ONCE, pero xa deu varios premios de certa relevancia. Esta mañá mostrábase moi contento por ter dado a sorte, «sobre todo se é a xente que llle fai falta». Os cinco boletos foron vendidos en cupón normal (non de máquina) na propia xornada do venres.

---

---

---