O CCA de Carballo sorteará o luns dous premios de 1.000 euros e unha paga mensual de 300
CARBALLO MUNICIPIO
![Poblado navideño instalado en el jardín municipal](https://img.lavdg.com/sc/BUWvL0u-pUnt0bnxJoai0fkeYg0=/480x/2024/01/05/00121704479702996226515/Foto/CE6C5F2_2.jpg)
Os premios sortearanse entre as papeletas depositadas no poboado do Nadal ao longo da campaña
06 ene 2024 . Actualizado á 05:00 h.A última campaña promocional do Centro Comercial Aberto de Carballo (CCA) chega ao seu fin e este luns celebrarase o sorteo dos premios entre quen participou na iniciativa. O acto será ás cinco da tarde, no poboado do Nadal instalado na zona do xardín municipal, e entre as miles de papeletas que durante as últimas semanas foron depositadas na caseta do poboado repartiranse dous premios de mil euros cada un e unha paga extras de 300 euros mensuais durante todo este ano. Os tres afortunados serán informados por parte do CCA a través do teléfono indicado na propia papeleta, e fixarase de mutuo acordo un día para a entrega e consumo dos premios.
Se as condicións meteorolóxicas non permitisen celebrar o sorteo ao aire libre, trasladaríase á zona de entrada do mercado municipal. Vázquez e Reino patrocinou esta campaña, na que tamén colaboraron Xunta, Deputación, Fundación Luís Calvo Sanz e Concello de Carballo.