Un miradoiro en Camariñas «para que todos saiban que están chegando a un pobo de encaixe»
CAMARIÑAS
Inaugurado o miradoiro do Alto dá Vea, con vinte esculturas de tres metros e medio que emulan os alfinetes que usan as palilleiras
12 ene 2024 . Actualizado ás 05:00 h.«Entre alfinetes e ‘‘piques'' pasaban días e noites, agardando a que fillos e homes volvesen do mar. E a forza de tanto ‘‘pique'', fixeron de Camariñas un lugar único no mundo. En memoria de todas elas».
Isto reza a mensaxe que acompaña ao novo miradoiro do Alto da Vela (ou Alto das Canteiras, como algúns veciños o denominan). Está xunto á estrada do faro Vilán e componse de varios asentos e vinte esculturas de 3,5 metros que emulan os alfinetes usados polas palilleiras. «Para que dende o mar todos saiban que están chegando a un pobo de encaixe», sinala a alcaldesa, Sandra Insua.
Aínda faltan os últimos retoques, como delimitar a zona de aparcadoiros, pero o proxecto foi posible grazas a unha subvención de 30.000 euros que lles concedeu a Xunta e que sufragou todos os gastos.