O «Tolo Festival» polos refuxiados do Pedra dá Aguia esgotou existencias
CAMARIÑAS
Unha marcha por diversas rúas puxo fin á iniciativa, todos encabezados pola pancarta «Camariñas cos refuxiados»
19 jun 2023 . Actualizado ás 22:33 h.Promoveu o sábado o instituto Pedra dá Aguia de Camariñas a iniciativa «Tolo Festival» polos refuxiados, e fíxoo coa colaboración do Concello e de Acnur. Dúas horas que deron para moito, como o manifesto e os poemas en favor dos refuxiados lidos por alumnos de terceiro de ESO para sensibilizar aos asistentes co drama deste colectivo, pedindo para eles solidariedade. Tras esta intervención, tres estudantes e o seu profesor de música ofreceron ao público varias pezas relacionadas con esta temática.
Abriuse en paralelo un mercadillo solidario, atendido igualmente por estudantes e docentes, e que pronto esgotou existencias debido aos seus «prezos populares», como reporta o centro. Unha marcha por diversas rúas puxo fin á iniciativa, todos encabezados pola pancarta «Camariñas cos refuxiados». De regreso á Praza, sumouse ao «Tolo Festival» a recentemente elixida corporación municipal, que tamén se rascou o peto coa causa. O recadado irá para Sudán do Sur, República do Congo e o Corno de África, arrasados por guerra e fame. Desde o instituto agardan repetir iniciativa para o ano.