O rexedor, José Manuel López Varela, destacou o esforzo dos mozos e o seu papel na promoción do deporte
31 jul 2021 . Actualizado ás 05:00 h.O alcalde da Laracha, José Manuel López Varela, recibiu na Casa do Concello aos deportistas máis destacados do Club de Salvamento Acuático Laracha (SAL), que participaron durante a pasada semana no campionato nacional celebrado na praia de Laxe. O mandatario López Varela felicitou aos mozos deportistas, da categoría cadete, polos éxitos cultivados en representación do club e do consistorio, e fixo fincapé no seu «esforzo» e no papel da entidade para a promoción deste deporte no termo municipal». Os resultados do club na competición laxense foron moi bos. O equipo, en conxunto, clasificouse na suma de puntos en terceira posición.
Os logros
Entrando máis en detalle, a parella formada por Eloy Ferreiro e Anxo López clasificouse na proba de rescate con táboa e salvamento. Ambos os deportistas cultivaron, ademais, éxitos en solitario. Anxo López subiu ao podio como subcampión da categoría de bandeiras e, o seu compañeiro, Eloy Ferreiro, recolleu o bronce na disciplina de bandeiras e o ouro na Copa de España desa mesma disciplina.