Profesionais da saúde mobilizáronse este mediodía ás portas dos seus centros
07 feb 2025 . Actualizado á 14:50 h.Ás doce deste mediodía, profesionais sanitarios da Costa da Morte saíron ás portas dos seus respectivos centros de saúde cunha finalidade unánime: mobilizarse contra as agresións a compañeiros e reclamar medidas de seguridade máis efectivas. O apuñalamento dun enfermeiro no servizo de urxencias do Chuac, ou tamén a agresión a un pediatra en Muxía, ambos o mesmo día, son as gotas que colmaron o vaso nunha situación que, denuncian, veñen vivindo desde hai moito tempo, soportando en silencio tanto agresións físicas como verbais.
Portando carteis, trasladando o seu apoio a compañeiros, e pedindo o cesamento desta violencia, léronse tamén manifestos. O álbum superior recolle as protestas en Ponteceso, Cabana, Dumbría, Cee, Muxía ou Vimianzo. No caso de Cee, e tamén de Zas, sumouse tamén a corporación municipal.