![](https://img.lavdg.com/sc/-U8ffOF-x6MLciNFnyBsowg3iWg=/480x/2024/05/24/00121716574502075658610/Foto/CY25C4F2_201346.jpg)
Alumnado do programa municipal Mercaescola foron os primeiros en pasar por Cerceda
25 may 2024 . Actualizado á 05:00 h.O Concello de Carballo organizou unha visita ás instalacións de Sogama, en Cerceda. Fíxoo tras a sesión informativa sobre reciclaxe impartida por educadores da entidade no programa municipal Mercaescola. Entón, os asistentes á charla expresaron o seu interese por coñecer os traballos que se realizan na planta de tratamento de residuos de Morzós. Na viaxe estiveron acompañados polo edil de Servizos e Medio Ambiente, Miguel Ángel Vales, e polo técnico Santiago Andrade. Todos participaron no itinerario virtual con lentes inmersivas de 360 graos, para coñecer mellor o proceso de traballo.
Tamén esta mesma semana visitaron Sogama usuarios da entidade Aspaber, que seguiron a mesma dinámica que os veciños carballeses. Todos mostraron un alto interese.