Arrinca o plan do GDR Costa da Morte para recuperar cultivos de variedades tradicionais
CARBALLO / LA VOZ
CARBALLO
Na zona plantaranse parcelas experimentais con repolo de Bergantiños
19 jul 2023 . Actualizado ás 05:00 h.Coa firma de convenios de colaboración con produtores de horta da comarca arrincou o plan do GDR Costa da Morte de recuperar variedades tradicionais. Así, na zona plantaranse parcelas experimentais con repolo de Bergantiños.
No mesmo acto procedeuse á entrega dos plantones a cada un dos participantes. Os sementeiros foron realizados por técnicos do centro de promoción rural EFA Fonteboa, en cuxas instalacións se celebrou o acto.
Os campos de ensaio estarán nas propias explotacións de cada un dos participantes, en parcelas que foron debidamente identificadas mediante un cartel informativo que foi facilitado polo GDR. A idea é valorizar os produtos autóctonos.