Unha muller resultou ferida ao ser atropelada na AC-550 ao seu paso por Outes

Poucos minutos antes das oito e media da tarde deste xoves rexistrouse un atropelo na AC-550, na entrada ao núcleo da Serra de Outes. 

A vítima foi unha muller que tivo que recibir asistencia sanitaria e, posteriormente, foi trasladada en ambulancia ao Hospital Clínico. Aínda que non chegou a perder a consciencia, o forte golpe causoulle danos nunha perna.

Ata o lugar do accidente acudiron Urxencias Médicas e a Policía Local de Outes que, unha vez a ferida abandonou o punto en dirección ao CHUS, agardaba a chegada dunha patrulla da Garda Civil de Tráfico.

---

---

---