O viaduto chegou a estar pechado ao tráfico debido á gran deterioración que sufría
19 jul 2019 . Actualizado ás 05:00 h.Foron moitos os anos de espera para ver en condicións a ponte medieval de Traba e demasiadas as promesas incumpridas sobre a súa reparación. O primeiro paso dábase a estas alturas do 2001, cando Patrimonio anunciaba que avaliaría o estado do viaduto e elaboraría o informe correspondente. Desde entón, o estado da infraestrutura, que foi deteriorándose paulatinamente, deu moito que falar en Noia e a súa contorna.
A ponte data do século XIV e sempre serviu de bisagra entre a vila e o lugar do Couto. O seu mal estado obrigou, no 2009, a pechalo ao tráfico rodado ante o risco de derrumbe que presentaba. Un dos arcos cedera e sobre a calzada apreciábanse desniveis e hendiduras importantes.
Aquela limitación foi talvez a gota que colmou o vaso, posto que en xuño do 2010 comezaban os traballos de reparación dun viaduto considerado unha das xoias patrimoniais do municipio noiés.