O obxectivo é restaurar as zonas degradadas
26 mar 2025 . Actualizado á 19:33 h.Máis de 2,5 millóns de euros investirá o Ministerio para a Transición Ecolóxica e o Reto Demográfico (Miteco) na protección de nove espazos dunares da provincia coruñesa, entre os que se atopan os de Xuño (Porto do Son) e Carnota. O obxectivo é restaurar os ecosistemas degradados destas zonas.
María Rivas, subdelegada do Gobierno, explicou que estas actuacións buscan «loitar contra a erosión na costa da Coruña e, ao mesmo tempo, aumentar a súa resiliencia ante os efectos do cambio climático». A representante do executivo central sinalou que, en toda a provincia, actuarase nunha extensión de 34 quilómetros e, ademais de en Xuño e Carnota, tamén se traballará en Morouzos (Ortigueira), Vilarrube (Valdoviño), San Xurxo (Ferrol), Baldaio (Carballo), Soesto e Traba (Laxe) e Nemiña (Muxía).