Firmas con enfoque tecnolóxico para mellorar procesos industriais, que buscan ofrecer servizos desde unha perspectiva ambiental responsable ou coa mercadotecnia como eixo central se unen ao espazo
27 mares 2024 . Actualizado ás 17:21 h.O Lab Barbanza de Boiro dá a benvida ás novas empresas que se van instalar no espazo coworking pertencente á Rede de Espazos de Traballo da Deputación. Entre as novas incorporacións hai unha firma con enfoque tecnolóxico orientado a mellorar os procesos industriais e de cultivo, outra que vai desenvolver un proxecto que busca ofrecer servizos desde unha perspectiva ambiental responsable e tamén unha empresa de mercadotecnia.
O Concello boirense acaba de recibir unha subvención da Administración provincial que está destinada a financiar a asistencia técnica, que ofrecerá servizos de asesoramento e acompañamento aos negocios instalados no espazo, así como a aqueles novos que desexen formar parte do mesmo e que conten cun proxecto empresarial en fase de incubación ou preincubación.
As solicitudes para formar parte do Lab Barbanza están abertas e poden realizarse presentando a solicitude no Rexistro do Concello de Boiro. As bases de participación están dispoñibles no regulamento do viveiro de empresas e zona coworking do Concello.