Lidia Parada volveu lesionar nun campionato de España no que Lara Iglesias foi quinta
BARBANZA
Á pobrense saír o ombro dereito no seu primeiro lanzamento e tivo que retirarse da competición
04 ago 2025 . Actualizado á 15:54 h.A fortuna volveu ser esquiva coa pobrense Lida Parada. Ata Tarragona viaxou para participar no Campionato de España Absoluto para volver lanzar a súa xavelina nun nacional que logrou gañar ata en catro ocasiones na categoría. Despois de competer no galego a finais de xuño no seu regreso á competición tras a súa grave lesión no xeonllo esquerdo, Parada afrontaba a cita con ganas de demostrar que pode seguir ao máximo nivel.
Pero pouco tempo puido estar na pista a barbancesa, porque no seu primeiro lanzamento saír o ombro dereito e obrigáronlle a retirarse da proba.
As boas noticias chegaron da man de Lara Iglesias, que con tan só 17 anos finalizou na quinta posición. Incluso permitiu o luxo de empezar liderando o concurso, cun rexistro próximo aos 49 metros. Foi a súa mellor marca e quedou a menos dun metro de pisar o podio.
Un novo éxito para esta atleta de categoría sub-20 que xa está a loitar de ti a ti coas absolutas. Para pechar un grande ano no que se proclamou campioa de España sub-20 de inverno e subcampioa de verán, Iglesias participará o xoves no europeo sub-20, que se celebrará na cidade finlandesa de Tampere.