Barbanza reforza o seu peso no PSOE provincial con seis caras na executiva
BARBANZA
A comarca estará representada con concejales de Rianxo, Boiro, O Son, Noia, Muros y Carnota
16 may 2025 . Actualizado á 17:58 h.A pasada fin de semana o PSOE da Coruña celebrou o seu congreso provincial, do que saíu ratificado como secretario xeral Bernardo Fernández e no que se deu a coñecer a nova executiva, que conta cunha importante porcentaxe de renovación. Dos 64 membros do equipo, 40 son caras novas, e entre elas Barbanza reforza a súa presenza con seis representantes.
Neste congreso, o PSdeG reafirmou o seu obxectivo de reforzar a acción política no territorio de cara a preparar as vindeiras eleccións municipais e consolidarse como «primeira forza do municipalismo galego», e nesa tarefa os socialistas barbanceses terán un papel importante dentro da executiva provincial ocupando distintos postos de responsabilidade. O concelleiro de Porto do Son, Jorge Romero, incorpórase como responsable da Secretaría de Coordinación Comarcal, mentres que o rianxeiro Óscar Rial asumirá a área de Deportes e Políticas Saudables.
A responsabilidade en Gobernanza Local recaeu no tenente de alcalde de Boiro, Luis Ruiz; Francisco Pérez aportará a súa experiencia como empresario e expresidente da patronal noiesa na área de Comercio e Consumo; e Caridad González asume a secretaría de Xustiza. Por último, a concelleira de Carnota Merche Noceda é unha das secretarias executivas dentro da agrupación provincial.