Veciños de Leiro organizan roldas de vixilancia ante a onda de roubos en domicilios

Veciños da parroquia de Leiro, en Rianxo , decidiron dar un paso adiante para enfrontarse á onda de roubos que veñen denunciando na última semana. O movemento a tomar foi organizar roldas de vixilancia para dar protección a persoas que residen soas, especialmente ás que son de avanzada idade.

Polo momento producíronse media decena de violacións en distintas vivendas, todas co mesmo modus operandi, o que sinala a unha mesma autoría. Os ladróns entran ás casas de madrugada, obviando se alguén está a durmir no interior. Para acceder forzan algún acceso e, unha vez dentro, rebuscan ata encontran botín en poucos minutos.

Os cacos céntranse en material e ferramentas de construción, como trades e rebarbadoras de doado venda no mercado ilícito, e en diñeiro en efectivo. A preocupación é máxima na parroquia, que optou por actuar para enfrontarse aos ladróns.

---

---