O menor fíxose unha brecha na cabeza
22 ago 2023 . Actualizado á 21:38 h.Na tarde deste martes, na contorna das piscinas do río Pedras volveu activarse un dispositivo de emerxencias. Nesta ocasión, foi un menor o que se accidentou ao caerse e facerse unha brecha na cabeza.
En principio, a ferida do neno non parecía revestir gravidade, aínda que requiriu varios puntos de sutura. Ata o río Pedras mobilizouse a persoal dos parques de bombeiros de Ribeira e Boiro, á Policía Local e a Protección Civil da Pobra para colaborar no seu traslado do menor ata unha ambulancia que o levou ao hospital.
Nesta ocasión, o operativo foi menos complexo que noutros rescates, xa que os equipos de emerxencias puideron chegar ata o mozo en vehículos.