O executivo local aprobaba un proxecto para pavimentar o corredor principal
22 may 2019 . Actualizado ás 12:18 h.Foi desde sempre o centro neurálxico da vila pobrense, pero ao longo das últimas décadas ha ir variando o seu aspecto de forma considerable. A maior transformación dos xardíns Valle-Inclán aprobábase hai 33 anos, cando o executivo presidido por Segundo Durán sacaba adiante, co voto en contra do PSOE, un proxecto para pavimentar con pedra de cantería o corredor principal, o que está máis pegado á estrada comarcal AC-305.
Ata entón o chan desta zona verde era de terra, o que provocaba que, cando chovía, convertésese nunha auténtica lameira chea de pozas e dificilmente transitable. Finalmente, os traballos tardarían en iniciarse aínda varios anos, pero logo terían continuidade unha década máis tarde, cando se decidiu pavimentar tamén o outro corredor da alameda pobrense.
Ademais, tamén se efectuaron varias melloras na fonte situada no centro desta zona verde pobrense, que sufriu un lavado de cara.