Tamén se aprobou un recoñecemento extraxudicial de crédito que servirá para pagar facturas do exercicio pasado que foron presentadas este ano
17 feb 2018 . Actualizado ás 05:00 h.O pleno extraordinario celebrado onte en Lousame serviu para sacar adiante o proxecto para instalar o saneamento nos núcleos de Filgueira e Seixido, na parroquia de San Xoán, así como para axilizar a expropiación da leira que albergará a depuradora. A proposta foi aprobada por unanimidade polos seis concelleiros do PP e o portavoz do PSOE, que foron os únicos grupos da corporación que asistiron á sesión.
Tamén se aprobou un recoñecemento extraxudicial de crédito, por valor de 53.000 euros, que servirá para pagar facturas do exercicio pasado que foron presentadas este ano. Este punto recibiu o voto afirmativo dos edís do Partido Popular, mentres que o representante socialista se abstivo.