O consorcio de bombeiros sacrificou o sábado a sede de Vilagarcía para abrir a do Porriño
VILAGARCÍA DE AROUSA
O órgano pechou as instalacións arousás, que dispuñan dunha dotación, completa, para destinar aos seus tres operarios á estación do sur e á de Ribadumia
11 mares 2024 . Actualizado ás 05:00 h.Independentemente do pulso que os bombeiros manteñen para ver dignificada a súa situación laboral, negándose a facer horas extra voluntarias, as decisións que toma o Consorcio Provincial Contraincendios e Salvamento de Pontevedra resultan, en ocasións, sorprendentes. O sábado, por exemplo, o órgano, no que están presentes a Xunta e a Deputación, decidiu pechar a sede de Vilagarcía , a pesar de que contaba cunha dotación completa: tres operarios son o mínimo exixible para que as instalacións poidan funcionar. Fíxoo para facilitar que puidese abrir a do Porriño, á que lle faltaba un traballador para acadar ese mínimo. Os seus outros dous compañeiros foron trasladados a Ribadumia para o desenvolvemento da xornada.
Dos catro municipios nos que existen sedes dos bombeiros provinciais —ademais de Vilagarcía e O Porriño, Ribadumia e Bueu— só a capital arousá e O Porriño superan os vinte mil habitantes e están obrigados a dispor dun servizo de extinción de incendios urbanos.