Un ciclista, ferido en Meis, Vilanova rexistra un incendio forestal e unha falsa alarma no mar mobiliza aos servizos de urxencias do Grove
VILAGARCÍA DE AROUSA
O lume foi extinguido a tempo antes de que acadar as casas
02 sep 2019 . Actualizado ás 05:00 h.Un ciclista resultou ferido onte pola mañá nun accidente de tráfico ocorrido na PO-531 á altura de Vilanoviña (Meis) como consecuencia dunha colisión cun vehículo. Pola tarde, as alarmas saltaban en Vilanova por mor dun incendio forestal ocorrido na parroquia de San Miguel, no que arderon 1.500 hectáreas. A intervención dos servizos de urxencias evitou que o lume chegase ás casas. Interviñeron policía local, protección civil e as cuadrillas da Xunta.
O terceiro susto do día produciuse no Grove, aínda que neste caso sen maiores consecuencias. Os servizos de urxencias recibían a media tarde o aviso de que unha persoa estaba no mar, nas inmediacións da illa da Toxa. Unha vez desprazada un zodiac ao momento, comprobouse que se trataba dun deportista de padelsurf que se caeu, pero que estaba a regresar a terra remando sobre a táboa, sen que fose preciso prestarse auxilio.