Un condutor choca contra o portal dunha casa e vaise terraplén abaixo tras sufrir unha indisposición
VILAGARCÍA / LA VOZ
VALGA
O home cruzou o carril contrario antes de impactar contra a vivenda na N-550
19 sep 2023 . Actualizado ás 22:23 h.Un home de avanzada idade perdeu á primeira hora da tarde de onte o control do seu vehículo cando circulaba pola N-550 no lugar de Cernadas, Valga , á altura do cruzamento cara a Cuntis. Ao parecer, apuntan fontes de Protección Civil, o condutor tería sufrido unha indisposición e non puido evitar que o seu coche atravesase o carril contrario para impactar contra o portal dunha casa de pedra e acabar índose por un terraplén de algo menos dun metro de altura abaixo.
Afortunadamente, o home non tería sufrido feridas de consideración, máis aló de queimaduras por causa da activación do airbag, declinando asistencia médica.