O home caeu mentres circulaba pola rúa Corniña
23 mar 2025 . Actualizado á 12:18 h.Un home de 80 anos, J.M.P., sufriu esta mañá unha caída no ciclomotor que conducía cando circulaba na rúa Corniña, o que obrigou a intervir aos servizos de emerxencias. Queixábase de dor cervical e costal e foi trasladado polo 061 ao Hospital do Salnés.
Non foi a única intervención que tivo o Servizo municipal de Emerxencias de Cambados esta mañá. Os efectos de Martinho seguen coleando, aínda que a borrasca xa pasou, e isto obrigou a asegurar un poste do tendido eléctrico que corría risco de caer en Oubiña.