Cambados organiza unha ruta de kaiak inclusiva na desembocadura do Umia

A concellaría de Servizos Sociais e Atención á Diversidade Funcional de Cambados, que dirixe a socialista Regina Núñez, organiza unha ruta de kaiak na que participarán persoas con diversidade funcional. A actividade terá lugar os días 22 e 23 de setembro, a partir das catro da tarde, cunha navegación na desembocadura do río Umia, entre a praia da Mouta e a contorna de San Sadurniño.

O único requisito é estar empadroado no municipio cambadés. Polo demais, a inscrición é gratuíta e os participantes poderán estar acompañados por persoas sen diversidade. Inclúe guías profesionais, kaiaks dobres, chalecos, pas e todo o necesario.

---

---

---