A asociación do Grove valora moi positivamente unha campaña que incluíu unha programación de animación na rúa
06 may 2025 . Actualizado á 05:00 h.Emgrobes conclúe a súa campaña promocional polo Día dá Nai coa entrega de once mil rascas, grazas aos cales se repartiron 1.200 euros en descontos directos entre a clientela. A entidade quixo tamén agradecer a confianza depositada, agasallando aos consumidores cunhas cuncas adicionais baixo o lema Quérote nai.
A campaña levou a cabo nos últimos quince días, a partir do 23 de abril, con moi bo resultado, segundo sinalan. Desde a entidade móstranse moi satisfeitos co desenvolvemento das accións programadas para dinamizar tamén as rúas, a pesar de que a actividade na arteria comercial de Castelao tivo que ser suspendida finalmente polo mal tempo. A asociación de comerciantes si logrou levar a cabo a festa programada na Aldea Comercial da Toxa este domingo, con música do dj local Javi Solla e moita diversión para os máis pequenos da casa.
A pesar de que a tarde estaba gris e acabaron caendo algunhas gotas, a asociación de empresarios repartiu máis de cen caraveis ás nais presentes na cita e o evento animou a que os últimos atrasados fixesen tamén as súas compras no centro comercial da illa, que congrega a varios asociados. Emgrobes continúa animando aos clientes, a través de distintos incentivos, a que adquiran os seus agasallos no comercio local para promover o consumo de confianza.