Un mozo de 15 anos falece ao estrelarse co seu ciclomotor contra un poste telefónico en Cambados
VILAGARCÍA / LA VOZ
AROUSA
O suceso ocorreu a última hora da tarde na parroquia de Vilariño
26 mar 2025 . Actualizado á 21:44 h.Tráxico final de día o rexistrado este mércores nas estradas do Salnés. Ás 20.18 horas, a Garda Civil de Tráfico era alertada dun accidente de circulación no quilómetro 2 da estrada provincial EP-9506 en Vilariño, Cambados.
No suceso, un menor de 15 anos e con domicilio en Barrantes, no veciño municipio de Ribadumia, faleceu ao estrelarse co seu ciclomotor contra un poste telefónico tras saírse da vía pola que circulaba.
Ata o lugar desprazouse unha ambulancia de soporte vital básico do 061 con persoal do PAC de Cambados e o Servizo de Emerxencias de Cambados, que nada puideron facer.