O Hospital do Salnés incorpora unha cabina para realizar tratamentos de fototerapia
AROUSA
![](https://img.lavdg.com/sc/3LYi6bzne6QMvDDp6HeVwG1jqh4=/480x/2024/01/26/00121706298062988705885/Foto/A11N0028.jpg)
O Sergas calcula que dará servizo a uns 2.000 pacientes cada ano
27 ene 2024 . Actualizado á 05:00 h.O servizo de dermatoloxía do Hospital do Salnés comezou a prestar tratamentos de fototerapia tras a incorporación dunha nova cabina de aplicación de radiacións terapéuticas. Con este elemento, poderanse realizar tratamentos a pacientes con dermatites, psoriases, linfomas cutáneos e outras afeccións. Segundo os cálculos do Sergas, este novo servizo poderá facilitar tratamento a ao redor de dous mil pacientes da comarca ao ano.
O tratamento con fototerapia utilízase en pacientes adultos desde hai máis de tres décadas. Segundo explica a coordinadora de dermatoloxía do Salnés, María Eugenia Mayo, «xeralmente a fototerapia indícase cando una afección cutánea non respondeu a outros tratamentos tópicos ou sistémicos que se administraron previamente». No Salnés, a fototerapia será aplicada por persoal de enfermería especialmente formado polo servizo dermatolóxico.