O proxecto Bravos Foundry oferta unha completa programación estival con obradoiros e actividades de ioga, bordado ou consciencia corporal
31 may 2024 . Actualizado á 13:31 h.O proxecto comunitario Bravos Foundry aspira a recuperar a antiga ferrería de Bravos, en Ourol, na que se localiza. Por iso é polo que unha das actividades estrela que deseñou de cara ao verán sexa a realización de varios talleres de forxa para adultos. A iniciativa tamén programa actividades puntuais ou semanais de ioga, bordado, música ou consciencia corporal, entre outras.
Os primeiros talleres de forxa, que serán impartidos por Víctor, un ferreiro que se vai a instalar na zona, terán lugar o sábado 1 e o domingo 2 de xuño. O sábado 8 e o domingo 9 haberá outro. En xullo celebraranse o sábado 20 e o domingo 21, mentres que en agosto se desenvolverán o sábado 10 e o domingo 11.
Tamén haberá talleres de pasta (2 de xuño), bordado sobre papel (16 de xuño), cerámica (25 e 26 de xuño), creación de amuletos (18 de agosto) ou remendos visibles (8 de setembro). Bravos Foundry tamén proxecta varias ceas pop-up (15 de xuño, 6 de xullo, 24 de agosto e 7 de setembro). E haberá talleres de consciencia corporal a través do movemento (28 de xullo), corpo rexenerador, paisaxe rexenerativa (1 e 4 de agosto), ou corpo e ciclos: solsticio de outono (21 de setembro).
As actividades semanais inclúen ioga e chiking, danza contemporánea, encontros de bordado, tantra, forxa ou guitarra española e flamenca. Ofrecen información e reservan en: reservas@bravosfoundry.com, @bravosfoundry ou reservas@bravosfoundry.com.