O concurso, producido por Voz Audiovisual, emítese ás 22.00 horas na TVG
21 jul 2020 . Actualizado ás 12:41 h.Esta noite hai unha cita televisiva na TVG da man de Voz Audiovisual, na que A Mariña e os seus fogóns estarán moi presentes. En a undécima edición do concurso "Come a Comarca", cinco cociñeiros afeccionados elaborarán un menú autenticamente mariñán e medirán as súas destrezas en cociña ao lado doutros profesionais da comarca. Exerce de guía e infiltrado o chef Bruno Pena, de Hotel Oca Praia de Foz. Os pratos elixidos por el representan á perfección o carácter gastronómico da costa lucense: fabas de Lourenzá con ameixas, pescada con sala de ourizo e torta de Mondoñedo.
O concurso popular ten lugar na Praza dá Catedral mindoniense, ante un xurado formado por 15 veciños. Na súa man estará a decisión de que equipo "Come a Comarca.
Bruno Pena: «A emisión do programa ´Come a Comarca´ vai axudar moito á Mariña en promoción»
Este martes (22.00, TVG) chega ás pantallas o undécimo programa do concurso producido por Voz Audiovisual Come a Comarca no que A Mariña amosará todo o sabor dos seus produtos e o talento dos seus cociñeiros, tanto afeccionados (os concursantes) como profesionais. Dentro destes últimos, Bruno Pena de Hotel Oca Playa de Foz exerce de ‘infiltrado´ e guia e foi quen fixo a escolla do menú 100% mariñao composto por fabas de Lourenzá con ameixas, pescada en salsa de ourizo e tarta de Mondoñedo.
—En que consiste o seu papel de ‘infiltrado´ en Come a Comarca?
—Tíñalles que deseñar un menú para que elaborasen os concursantes e tamén lles botei unha man para que se relacionasen cos cociñeiros profesionais.
—Como foi a experiencia aquí?
—Moi boa porque a pesar de que os concursantes eran cociñeiros amateurs, esforzáronse moito. Por outro lado, cóllenos a emisión do programa nun momento expléndido para a comarca porque está nun baixón e tanto a promoción dos nosos productos e vilas vainos axudar moito.
—Como infiltrado e guia, gustoulle esa experiencia a nivel xa máis personal?
—Gustoume moito porque puiden facer o que me gusta, que é poñer en valor a xente do meu entorno, xente que a veces está na trastenda e non se ve o traballo que fai. Gustoume tamén por dárlle a xente non profesional a coñecer as técnicas e as receitas que se fan na Mariña.
«Hai xente que non é coñecida e fai un traballo na comarca extraordinario»
—Non debeu ser fácil escoller só tres para o menú comarcal...
—No meu caso tiña claro cales eran ‘os reises de casa´ e creo que escollín ben tanto as receitas como os profesionais e persoas correctas para que lles amosaran como se fan.
—O programa que se emite este martes contribúe a visibilizalos.
—Hai xente que non é coñecida e fai un traballo extraordinario na comarca.
—Por outro lado, este tipo de concursos centrados na gastronomía e todas as tendencias «foodies» están moi á alza agora. Hai un notable tirón da gastronomía e A Mariña ten moito que aportar.
—É algo que dende a nosa parte parece que non criamos moito nela. A Mariña ten moito potencial pero non sabemos explotalo ben. Cousas como estas [o programa Come a Comarca] buscan poñer en valor o entorno, os profesionais e os produtos e fan que vexa a xente que A Mariña é máis que praia e paseos.