Piden un ano de prisión para un home por ameazar á súa exparella en Foz, da que se divorciou pero seguían vivindo xuntos con tres fillos
FOZ
A Fiscalía acúsalle tamén dun delito de danos, ao romper un cadro da vítima no contexto dunha discusión
24 may 2024 . Actualizado á 17:57 h.A Fiscalía pide un ano de cárcere para un home acusado dun delito de ameazas e doutro de danos. Segundo o Ministerio Fiscal, o home díxolle á súa exparella que a ía a matar durante unha discusión. A vista celebrarase no Xulgado do Penal 2 de Lugo o vindeiro luns, 27 de maio.
Os feitos ocorreron, de acordo co escrito de acusación, o 17 de agosto do 2022, no domicilio familiar de Foz. O acusado divorciárase da vítima un ano antes, a pesar de o que ambos continuaban residindo na vivenda, en compaña dos seus tres fillos.
Sobre as 22.30 horas desa noite, o acusado iniciou unha discusión coa vícitima, recriminándolle que tirase unhas botellas de alcol. Frustrado por esta circunstancia, fracturou cun pequeno martelo o cristal dun cadro de punto de cruz que ela realizara, ao tempo no que lle dicía que a ía a matar, marchándose a continuación do domicilio ao chamarlle a muller a antención, dicíndolle que parase.
A Fiscalía pide ademais a inhabilitación especial para o dereito de sufraxio pasivo durante o tempo de condena e a privación do dereito e á tenencia e porte de armas por dous anos e un día. Aisimismo, reclama unha orde de afastamento durante ese mesmo prazo, non podendo achegarse a menos de 150 metros da vítima, así como a prohibición de comunicarse con ela por calquera método. Polo delito leve de danos, solicita tres meses de multa a razón de sete euros por día. En responsabilidade civil, unha indemnización polo valor do cristal fracturado.