50 identificados e 10 actas de infracción en Foz por consumo de alcol entre menores nas festas de San Lourenzo
FOZ
Axentes da xefatura provincial da Policía Autonómica realizaron un operativo o pasado día 10
28 ago 2023 . Actualizado ás 21:29 h.Axentes da xefatura provincial da Policía Autonómica en Lugo participaron en Foz o pasado 10 de agosto, o día grande das festas de , San Lourenzonun dispositivo que deu como resultado cincuenta persoas identificadas e dez actas de infracción por consumo de alcol por parte de menores na vía pública.
Desde Vicepresidencia Primeira e apúntana que o dispositivo se enmarca nas actuacións policiais para velar polo cumprimento da Lei 11/2010, de 17 de decembro, para previr a venda e a subministración a menores de idade en locais de lecer como bares, pubs ou discotecas así como en supermercados e tendas 24 horas que sexan expendedores de alcol e tabaco.
Os mesmos axentes desenvolven intervencións preventivas nas concentracións da mocidade nas vías públicas para controlar e evitar o consumo ilícito, inspección a locais e vixilancia de zonas de lecer frecuentadas por menores de 18 anos. Desde Vicepresidencia explican que os obxectivos pasan por acadar que os establecementos se axusten á normativa en materia de alcol e tabaco e que os menores de idade adopten pautas de conduta saudables «evitando o consumo destes produtos a idades temperás polas importantes repercusións para a saúde que teñen estes consumos na mocidade».