Hugo Gorgojo, do IES Perdouro, logrou tres medallas na Olimpíada Internacional de Xeoloxía, na China

Hugo Gorgojo Basanta, estudante do IES Perdouro de Burela, logrou tres medallas na International Earth Science Olympiad (Olimpíada Internacional de Xeoloxía) que se celebrou entre os días 7 e 17 deste mes na cidade chinesa de Jining.

Segundo informaron desde o propio instituto, o estudante logrou unha distinción de bronce en Earth Science Project Category; outra de prata en International Field Team Investigation e outra de bronce en Individual Test Category.

Hugo Gorgojo xa lograra o primeiro posto na subsede galega de San Sadurniño, dentro da fase autonómica, e foi cuarto na fase nacional celebrada en Tremp (Lleida).

A China viaxou con outros tres representantes de España, concretamente de Santiago, Salamanca e Badaxoz, que tamén obtiveron bos resultados na competición celebrada en Jining. Visitaron o monte Fénix, a montaña Shimen, o lago Taibai —o maior do norte da China— o geoparque Yangshang...

«Nestes lugares de relevancia xeolóxica participaron en varias probas teóricas e prácticas nas que realizaron proxectos e traballos de campo», explican desde o instituto burelense.

---

---

---