Celebrarase a próxima fin de semana en Barreiros
09 oct 2023 . Actualizado ás 05:00 h.Máis dun centenar de corredores confirmaron xa que o vindeiro domingo 15 de outubro darán vida á sétima edición do Trail Monte Comado, en Barreiros . O período de inscrición continúa aberto ata o vindeiro xoves na web do circuíto Máis kms Barreiros.
Membros da asociación Praias de Barreiros e o edil de Dinamización e deputado provincial Daniel García e o xefe provincial de Deportes da Xunta, Manuel Otero, Cadramón, presentaron a competición que se celebrará a próxima fin de semana e será a quinta proba da liga local de carreiras.
Haberá unha proba de 12 quilómetros e outra de 26, ambas as con saída e meta na Praza do Souto de San Miguel de Reinante. A máis longa comezará ás 9.30 horas e acadará 1.600 metros de desnivel positivo polos montes Penabor e Comado, «pasando por sitios emblemáticos como Santo Estevo do Ermo e o seu fervenza», destacan. Unha hora máis tarde empezará a de 12 quilómetros, que acadará 700 positivos polo Comado.
Apuntan que ao finalizar este evento deportivo entregarán trofeos para os mellor clasificados e celebrarán unha picada. Ademais, subliñan como un dos grandes «alicientes» as «espectaculares vistas da carreira a Barranca, Santo Estevo, Penabor e «especialmente Monte Comado.