A armada mariñá conseguiu catro medallas no Galego de 10 quilómetros en ruta
A MariÑA
Marcelo Ben proclamouse campión autonómico M50, Begoña de Arriba e Eliseo López gañaron pratas M70 e Rocío Díaz foi bronce M55
16 mares 2024 . Actualizado ás 05:00 h.A nutrida e esforzada armada do atletismo mariñán regresou con catro medallas do Campionato Galego de 10 quilómetros en ruta que se celebrou a pasada fin de semana en Xinzo de Limia. O burelense Marcelo Lanza, da SD Compostela, foi o campión M50, mentres que Begoña de Arriba e Eliseo López sumaron dúas pratas M70 para o Egovarros Viveiro e Rocío Díaz, do CA Ribadeo, foi bronce M55.
Marcelo Lanza Ben impúxose na división para maiores de 50 anos cunha espectacular marca de 35.59 que o situou na posición 39 dunha xeral con case 300 atletas. Só o superou outro representante mariñán, Manuel Folgueira Díaz, do Madeiras Barcia Lourenzá Cervo, que foi décimo M35 e vixésimo sexto da clasificación total con 35.13. David Oliveros Escribano, que defendeu as cores do Ría de Foz, foi sétimo M40 tras 36.14 de carreira.
Polo CD Egovarros Viveiro, Rufino Fernández Trasancos marcou un 45.17 que o elevou á sétima praza M60, mentres que os seus compañeiros Begoña de Arriba Begollín e Eliseo López Río subiron ao segundo caixón do podio M70 con marcas de 59.35 e 56.14, respectivamente.
Polo Club Atletismo Ribadeo, mentres, colgouse o bronce M55 Rocío Díaz Mesa tras 47 minutos e 9 segundos de esforzo. Ademais, Marcos Conde Llenderrozos foi undécimo M40 con 37.45; o mesmo tempo co que Marcos Gómez Pérez foi o décimo cuarto M35; Yago Freije Mariño rematou décimo na categoría sénior con 38.07; Javier García Fernández ocupou o lugar 15 M45; Lourdes López Villar foi novena sénior con 43.22; Kevin Orosa López, oitavo sub-20 con 44.02; e Sonia González Valea, quinta M45 con 50.20.